Raza Musani 
تہران : ایران نے ہفتہ دفاع مقدس کے پہلے روز 23 بیلسٹک میزائل اور جدید ترین ڈرونز دنیا کے سامنے پیش کردئے۔ جنگی پریڈ میں خیبرشکن۔ فتح۔ القدس۔ عماد۔ خرم شہر۔ سیجل اور جہاد میزائل کی نمائش کی گئین جہاد میزائل پاسداران انقلاب کا ایرو اسپیس فورس کا جدید ترین مائع ایندھن والا بیلسٹک میزائل ہے۔ اس کی رینج ہزار کلو میٹر تک ہے۔ جنگی پریڈ میں شاہد ڈرون کے جدید ترین ماڈل کمیزکاز کی بھی رونمائی کی گئی جو چار ہزار کلومیٹر تک پرواز کرسکتا ہے۔ ایران کے صدر مسعود پیز شکیان نے بھی اسلحے کی سالانہ نمائش اور فوجی پریڈ کا معائنہ کیا ، اس موقع پر ان کا کہنا تھا آج ہماری تحفظ و دفاع کے لیے صلاحیت پہلے سے کہیں زیادہ بہتر ہو چکی ہے۔ اب کوئی ہمارے خلاف جارحیت نہیں کر سکتا۔ حتیٰ کہ ایسا سوچ بھی نہیں سکتا۔ ہم مسلمان ملکوں کے درمیان اتحاد و یکجہتی کے ساتھ مسلمانوں کے خون کے پیاسے اسرائیل کو جواب دے سکتے ہیں۔ جو کسی کے لیے بھی رحم کا جذبہ نہیں رکھتا۔ وہ ہماری عورتوں، بچوں اور نوجوانوں کو مار رہا ہے۔
