ایران کے قائم مقام وزیر خارجہ کی سید حسن نصر اللہ سے بیروت میں ملاقات

بیروت : ایران کے قائم مقام وزیر خارجہ علی باقری کنی نے حزب اللہ کے سیکرٹری جنرل سید حسن نصر اللہ سے بیروت میں ملاقات کی اور علاقائی مسائل پر تبادلہ خیال کیا۔ سید حسن نصر اللہ نے ملاقات میں ایران کے صدر آیت اللہ ابراہیم رئیسی اور ساتھیوں کی شہادت پر تعزیت کا اظہار کیا۔ انہوں نے کہاکہ اسلامی جمہوریہ ایران دشمن کی تمام پابندیوں اور دھمکیوں کے باوجود ہمیشہ خطے کی اقوام اور مزاحمتی تحریکوں کے شانہ بشانہ کھڑا ہے، ان تمام حمایتوں پر ایران کا شکریہ ادا کرتے ہیں۔