ولی امر مسلمین آیت اللہ مجتبیٰ خامنہ ای سے ایرانی صدر مسعود پزشکیان کی ملاقات

تہران : ولی امر مسلمین آیت اللہ مجتبیٰ خامنہ ای سے ایرانی صدر مسعود پزشکیان نے ملاقات کی ہے جو دو گھنٹے سے زائد جاری رہی۔ مسعود پزشکیان کا کہنا ہے کہ آیت اللہ مجتبیٰ خامنہ ای سے ملاقات اعتماد، عاجزی اور گہرے خلوص سے بھرپور ماحول میں ہوئی۔ ان کے انداز گفتگو، نقطۂ نظر، نہایت عاجزانہ اور گہرے مخلصانہ رویے نے بہت متاثر کیا۔ صدر مسعود پزشکیان نے کہا کہ ایرانی صدر کے مطابق اس طرزِ عمل نے ماحول کو اعتماد، سکون، ہمدردی اور براہِ راست مکالمے میں تبدیل کر دیا۔ مسعود پزشکیان کا کہنا تھا کہ ملک کے انتظامی ڈھانچے میں ہم آہنگی، اعتماد اور باہمی احترام کو مزید مضبوط بنانے کی ضرورت ہے۔ انہوں نے کہا کہ جب ملک کی اعلیٰ ترین شخصیت اس اخلاقی کردار اور عوامی جذبے کے ساتھ حکام اور عوام سے پیش آئے تو یہ پورے انتظامی نظام کے لیے ایک عملی نمونہ بن جاتا ہے۔ ایرانی صدر نے مزید کہا کہ یہ طرزِ حکمرانی ذمہ داری، عوام سے قربت اور مسائل کو سنجیدگی سے سننے کے اصولوں پر مبنی ہے۔ ان کے مطابق رہبرِ انقلاب نے ملاقات کے دوران سادگی، خلوص اور باہمی احترام کا وہی جذبہ برقرار رکھا جس نے گفتگو کو مکمل طور پر صاف، براہِ راست اور اعتماد سے بھرپور بنا دیا۔