Raza Musani 
تہران : ایرانی وزیر خارجہ سید عباس عراقچی نے کہا ہے کہ ہم اپنے قومی مفادات اور ناقابل تردید حقوق کی بنیاد پر مذاکرات کے لیے تیار ہیں، لیکن دباؤ اور دھمکی کے تحت مذاکرات پر ہرگز آمادہ نہیں ہیں۔ بین الاقوامی ایٹمی توانائی ایجنسی کے ڈائریکٹر جنرل رافیل گروسی سے ملاقات میں عباس عراقچی نے کہا کہ این پی ٹی کے ایک پرعزم رکن کے طور پر، ہم ایجنسی کے ساتھ اپنا مکمل تعاون جاری رکھیں گے۔ تنازعات کو تعاون اور بات چیت کے ذریعے حل کیا جا سکتا ہے۔ ہم نے مضبوط ارادے اور خیر سگالی کے ساتھ آگے بڑھنے پر اتفاق کیا۔ ایرانی وزیر خارجہ نے واضح کیا کہ ایران نے اپنے پرامن ایٹمی پروگرام کے بارے میں کبھی بھی مذاکرات کی میز ترک نہیں کی، اب یورپی یونین اور تین یورپی ممالک کی باری ہے۔ ہم اپنے قومی مفادات اور ناقابل تردید حقوق کی بنیاد پر مذاکرات کے لئے تیار ہیں لیکن دباؤ اور دھمکی کے تحت مذاکرات کرنے کو ہرگز تیار نہیں۔
