Raza Musani 
تہران : ولی امر المسلمین آیت اللہ سید علی خامنہ ای کا کہنا ہے کہ عالمی طاقتوں کے ساتھ جوہری معاہدے کو بحال کرنے کے لیے جاری بات چیت "اچھی طرح چل رہی ہے, انہوں نے اس بات پر زور دیتے ہوئے کہا کہ ایران نے ضرورت سے زیادہ مطالبات کے خلاف مزاحمت کی ہے اور اسے جاری رکھے گا۔ حکام کے ساتھ ایک اجلاس میں ولی امر مسلمین نے ایرانی حکام پر زور دیا کہ وہ مذاکرات سے ہر گز پیچھے نہ ہٹیں اور مسائل سے نمٹنے کے لیے ملکی حقائق پر مبنی منصوبے بنائیں۔مذاکرات کے نتائج مثبت ہوں یا منفی، انہیں ملکی معاملات میں کبھی رکاوٹ نہیں بننا چاہیے، انہوں نے ویانا مذاکرات کی طرف اشارہ کرتے ہوئے کہا کہ مخالف فریق نے اپنا وعدہ توڑا اور جوہری معاہدے سے نکل گیا۔ یہ اب مایوسی محسوس کر رہا ہے اور تعطل کا شکار ہے، رہبر معظم نے مزید کہا کہ اسلامی جمہوریہ نے عوام پر انحصار کرتے ہوئے بہت سی مشکلات پر قابو پالیا ہے اور اس مرحلے سے بھی گزر جائے گا.
