Raza Musani 
تہران: ایرانی وزیر خارجہ عباس عراقچی نے یورپی طاقتوں پر زور دیا ہے کہ وہ جوہری پروگرام کے معاملے میں سمجھداری کا مظاہرہ کریں اور پابندیوں کی بحالی کے خطرات سے گریز کریں۔ برطانیہ، فرانس اور جرمنی کے وزرائےخارجہ۔ یورپی یونین کی خارجہ پالیسی چیف کاجا کیلس اور ایرانی وزیر عباس عراقچی نے جوہری پروگرام پر ٹیلی فونک گفتگو کی۔
عراقچی نے ایران کے اصولی مؤقف پر روشنی ڈالتے ہوئے کہا کہ مذاکرات اور سفارتکاری کے ماحول کو برقرار رکھنا کشیدگی میں اضافے سے بچنے کے لیے ضروری ہے۔ انہوں نے کہا کہ یورپ کو ایک منصفانہ اور آزادانہ رویہ اپنانا چاہیے۔ ایران ایک منصفانہ اور متوازن حل کے لیے تیار ہے، جو باہمی مفادات کی ضمانت فراہم کرے۔ انہوں نے تین یورپی ممالک کی جانب سے اقوام متحدہ کی سلامتی کونسل کی منسوخ شدہ پابندیوں کی بحالی کی کوشش کو غیرقانونی اور غیرمنطقی قرار دیا۔
