Raza Musani 
تہران : ایران نے امریکا کو خبردار کیاہے کہ بحری ناکہ بندی کے خلاف صبر کی حد ختم ہو رہی ہے کارروائیاں جاری رہیں تو ایران عملی اور غیر معمولی ردعمل دے گا۔ ایرانی میڈیا کو دیے گئے بیان میں ایک اعلیٰ سکیورٹی ذریعے نے کہا کہ ایرانی مسلح افواج، جو خاتم الانبیاء ہیڈکوارٹر کے تحت کام کر رہی ہیں، صورتحال کو سنجیدگی سے دیکھ رہی ہیں۔ ان کا کہنا تھا کہ امریکا کی جانب سے مبینہ بحری ناکہ بندی کو غیر قانونی اقدام تصور کیا جا رہا ہے جس پر مزید صبر ممکن نہیں۔ بیان میں کہا گیا کہ اب تک دکھایا گیا تحمل سفارتی مواقع دینے کے لیے تھا تاکہ تنازع مستقل طور پر ختم کیا جا سکے۔ انہوں نے خبردار کیا کہ اگر امریکا نے اپنی پالیسی نہ بدلی تو ایران کی جانب سے ایک مختلف اور سخت ردعمل سامنے آسکتا ہے۔
