Raza Musani 
تہران: ایران نے جنگ بندی کے خاتمے کے بعد اسرائیل اور امریکا کے حملوں کا فوری جواب دینے کیلئے تیاری تیز کردی ہے۔ این بی سی نیوز کے مطابق ایران زیرِ زمین اور ملبے کے نیچے دبے میزائل اور دیگر اسلحہ نکالنے میں مصروف ہے۔ امریکی حکام کا کہنا ہے کہ ایران چاہتا ہے کہ اگر جنگ دوبارہ شروع ہو تو فوری طور پر ڈرون اور میزائل حملے کرسکے۔
ذرائع کے مطابق واشنگٹن نے اس صورتحال کا جائزہ لیا ہے اور مختلف عسکری آپشنز پر غور کیا جا رہا ہے۔
ایرانی پارلیمنٹ کی قومی سلامتی کمیشن کے نائب چیئرمین علاءالدین بروجردی نے کہا ہے کہ ایران نے ابھی اپنی نئی حکمتِ عملی اور صلاحیتیں ظاہر نہیں کیں۔ انہوں نے دعویٰ کیا کہ ایران کے پاس موجود میزائل اور ڈرون ذخائر کئی برسوں تک جنگ جاری رکھنے کے لیے کافی ہیں۔ بروجردی نے بحری ناکہ بندی کو غیر مؤثر قرار دیتے ہوئے کہا کہ اس کا کوئی عملی اثر نہیں پڑے گا۔
