Raza Musani 
تہران : ایران کے پاسداران انقلاب نے خلیج اور عمان کی خلیج کےساتھ ملک کی ساحلی پٹی سےغیرقانونی طور پرایندھن اسمگل کرنے والے 2 بحری جہاز قبضے میں لے لئے۔ پاسدارانِ انقلاب کی ویب سائٹ پر جاری بیان کے مطابق پاسدارانِ انقلاب بحریہ کے یونٹس نے ایک جہاز پر اسمگلنگ کا ڈھائی لاکھ لیٹر ایندھن جبکہ دوسرے پر لدا ایک لاکھ 30 ہزار لیٹر ایندھن قبضے میں لیا۔ یوں گزشتہ ایک ہفتے کے دوران قبضے میں لی گئی اسمگلنگ کے ایندھن کی مجموعی مقدار 6 لاکھ 50 ہزار لیٹر ہوگئی۔ پہلے بحری جہاز پر سوار عملے کے 7 اراکین کو گرفتار کرلیا گیا ہے۔ ایران میں بھاری سبسڈیز اور کرنسی کی کم قدر کے باعث دنیا میں سب سے سستا ایندھن ملتا ہے۔ جس کی وجہ سے یہ ملک زمینی راستوں سے ہمسایہ ممالک جبکہ بحری راستے سے خلیجی عرب ممالک کو ایندھن کی اسمگلنگ سے روکنے کی جدوجہد کررہا ہے۔
