Raza Musani 
تہران: ایرانی خبر رساں ادارے تسنیم کے مطابق ایک باخبر ذریعے نے کہا ہے کہ امریکی میڈیا مہم دراصل ڈونلڈ ٹرمپ کی حالیہ جارحانہ پالیسیوں سے پسپائی کو جواز فراہم کرنے کی کوشش ہے۔ امریکی دھمکیوں اور طاقت کی زبان ایران کے خلاف مؤثر ثابت نہیں ہوئی بلکہ اس سے صورتحال مزید پیچیدہ ہوئی۔ ایرانی ذرائع نے کہاہےکہ ایران نے دوبارہ امریکی تجویز کا جائزہ لینا شروع کر دیا ہے اور حتمی فیصلہ ہونے پر اپنا مؤقف ثالثوں تک پہنچایا جائے گا۔ تاہم ایران تجاویز کے کئی نکات سے مطمیئن نہیں ہے۔ ادھر ایرانی وزرات خارجہ کے ترجمان اسماعیل بقائی نے سوشل میڈیا پر لکھا کہ اگر شیر کو اپنے دانت دکھاتے ہوئے دیکھو تو یہ نہ سمجھنا کہ شیر مسکرا رہا ہے۔
