Raza Musani 
تہران : ایران میں پاسداران انقلاب اسلامی کی پیغمبر اعظم (ص) فوجی مشقیں جاری ہیں مشقوں کے دوسرے روز جدید بیلیسٹک میزائلوں کے تجربات کئے گئے اور متحرک و غیر متحرک اہداف کو نشانہ بنایا گیا۔ یہ مشقیں خلیج فارس کے ساحلوں، آبنائے ہرمز اور ہرمزگان، بوشہر اور خوزستان صوبوں کے علاقوں میں کی جارہی ہیں اور یہ پانچ روز تک جاری رہیں گی پاسداران انقلاب اسلامی کے ڈپٹی چیف آف آپریشنز اور فوجی مشقوں کے ترجمان نے بتایا کہ فوجی مشقوں کے دوسرے روز کا آغاز یا فاطمہ زہرا (س)، اقتدار، سیکیورٹی ، دفاعی تیاری اور ہمدلی و اتحاد کے نعرے سے ہوا اور دفاعی فضائی سسٹم اور جنگی کشتیوں کا مختلف طریقوں سے استعمال جیسے اقدامات عمل میں لائے گئے۔ مشقوں میں ہر قسم کے خطرات کا مقابلہ کرنے کی کارروائی کی جائے گی اور جدید ترین جنگی وسائل کا استعمال کیا جائے گاپانچ دن تک جاری رہنے والی پیغمبر اعظم(ص) مشترکہ فوجی مشقوں میں جدید ترین ہتھیاروں کے تجربات کئے جائیں گے۔
