Raza Musani 
انقرہ : ترک وزیرخارجہ ہاکان فیدان نے کہا ہے کہ دفاعی معاہدے کا ہدف ایران نہیں ہے۔ کچھ تکنیکی معاملات حل ہونے کے بعد ممکن ہے کہ مصر دفاعی معاہدے میں شامل ہوجائے۔ ترک وزیرخارجہ نے کہا کہ مشترکہ دفاعی معاہدے کے ذریعے کسی ملک کوہدف نہیں بنایا گیا جب تک وہ معاہدے کے کسی رکن ملک پر حملہ نہ کرے۔ ہاکان فیدان نےکہاکہ دفاعی معاہدہ تکنیکی طور پر نیٹو کے آرٹیکل 5 جیسا ہے جس کے تحت کسی ایک رکن پر حملہ تمام ارکان کے خلاف حملہ تصور کیا جاتا ہے۔ ہاکان فیدان نے بتایاکہ اس دفاعی معاہدے کے تحت وزرائے خارجہ کی ایک کمیٹی اور جنرل سیکرٹریٹ بھی قائم کیا جائے گا جو نیٹو کے نظام سے مماثلت رکھتا ہوگا۔ ترک وزیر خارجہ نے کہا بحیرہ احمر میں بحری جہازوں کی سلامتی ترکیے کے مفادات سے متعلق ہے، اس لیے ترکیے کو سعودی عرب کی جانب سے قائم کی جانے والی بین الاقوامی اتحادی کوششوں میں شامل ہونا چاہیے۔
