Raza Musani 
پیرس : انٹرنیشنل اٹامک انرجی ایجنسی آئی اے ای اے کے سربراہ رافیل گروسی نے دعویٰ کیا ہے کہ تہران خطرناک حد تک جوہری بم بنانے کے قریب پہنچ چکا ہے۔ فرانسیسی اخبار لی مونڈے سے انٹرویو میں رافیل گروسی نے کہا کہ ایرانی ایٹمی پروگرام ایک پزل کی طرح ہے۔ ان کے پاس ٹکڑے ہیں اور ایک دن وہ ان ٹکڑوں کو ایک ساتھ رکھ سکتے ہیں۔ انہوں نے کہا کہ ان کے ہدف تک پہنچنے سے پہلے ابھی بھی ایک راستہ باقی ہے۔ لیکن وہ ایٹم بم بنانے سے زیادہ دور نہیں ہیں اسے تسلیم کرنا ہوگا۔ عالمی ادارے کے سربراہ نے کہا کہ ایران کی جانب سے بین الاقوامی برادری کو یقین دلانے کے لئے یہ بتانا کافی نہیں ہے کہ ان کے پاس جوہری ہتھیار نہیں ہیں۔
