Raza Musani 
واشنگٹن : امریکی نشریاتی ادارے این بی سی نیوز کے مطابق ایران نے مشرقِ وسطیٰ میں امریکی فوجی اڈوں کو ظاہر کئے گئے نقصان سے کہیں زیادہ وسیع نقصان پہنچایا ہے۔ این بی سی نیوز کی رپورٹ کے مطابق ایران نے جوابی کارروائیوں میں مشرقِ وسطیٰ کے سات ممالک میں امریکی اڈوں کو نشانہ بنایا۔ رپورٹ میں کہا گیا ہے کہ یہ نقصان عوامی طور پر ظاہر کیے گئے اعداد و شمار سے کہیں زیادہ شدید ہے اور اس کی مرمت پر اربوں ڈالر لاگت آ سکتی ہے۔ ایرانی حملوں میں گوداموں، کمانڈ ہیڈکوارٹرز، طیارہ ہینگرز، سیٹلائٹ کمیونیکیشن نظام، رن ویز اور جدید ریڈار سسٹمز سمیت درجنوں طیارے متاثر ہوئے۔ رپورٹ کے مطابق پینٹاگون نے اب تک نقصان کی مکمل تفصیلات جاری نہیں کیں کچھ ریپبلکن ارکانِ کانگریس نے اندرونی طور پر اس بات پر ناراضی ظاہر کی ہے کہ انہیں نقصانات اور اخراجات سے متعلق معلومات فراہم نہیں کی جا رہیں۔
