Raza Musani 
تہران: ایران نے متعدد امریکی و برطانوی شخصیات اور اداروں پر پابندیاں عائد کردیں۔ ایرانی وزارت خارجہ کے مطابق پابندیوں کی زد میں سات امریکی آئے ہیں۔ ان میں امریکی جنرل بریان پی فینٹ بھی شامل ہیں جو امریکی اسپیشل آپریشنز کمانڈ کے سربراہ ہیں۔ ان شخصیات اور اداروں پر الزام ہے کہ وہ غزہ جنگ میں فلسطینیوں کے خلاف اسرائیل کی مدد کرنے والوں میں شامل ہیں۔ برطانوی حکام میں دفاعی امور کے سیکریٹری آف اسٹیٹ گرانٹ شیپس بھی شامل ہیں۔ نیز برطانیہ کی اسٹریٹجک فورس کے کمانڈر جیمز ہاکی ہل اور بحیرہ احمر میں برطانیہ کی رائل نیوی کے ذمہ دار بھی شامل ہیں۔ ایرانی وزارت خارجہ نے کہا کہ پابندیوں میں ایرانی مالیاتی اور بینکنگ نظام میں اکاؤنٹس اور لین دین کو معطل کرنا۔ اثاثوں کو معطل کرنا اور ایرانی سرزمین میں داخلے پر پابندی شامل ہے۔
