Raza Musani 
واشنگٹن: امریکی نشریاتی ادارے سی این این کی تحقیق کے مطابق ایران اور اس کے اتحادیوں کے حملوں میں مغربی ایشیا میں امریکا کے بیشتر فوجی اڈوں کو نقصان پہنچا ہے۔ سی این این کی رپورٹ میں بتایا گیا ہے کہ ایران نے مشرق وسطی کے آٹھ ملکوں میں کم از کم سولہ امریکی فوجی اڈوں کو نشانہ بنایا۔ متعدد تنصیبات شدید متاثر ہو کر عملی طور پر غیر فعال ہو چکی ہیں۔ رپورٹ میں کہا گیا ہے کہ ایران نے خاص طور پر ریڈار سسٹمز، مواصلاتی ڈھانچے اور طیاروں کو نشانہ بنایا۔ ان تنصیبات کو مہنگا اور جلد تبدیل نہ ہونے والا اثاثہ قرار دیا گیا ہے۔ تحقیق کے لیے سیٹلائٹ تصاویر اور امریکا و خلیجی ممالک کے ذرائع سے معلومات حاصل کی گئیں۔
