Raza Musani 
تہران : ایران نے دعویٰ کیا ہے کہ عالمی جوہری توانائی ایجنسی کے ساتھ روڈ میپ پر اتفاق ہوگیا ہے۔جوہری چیف محمد اسلامی نے کہا ہے کہ جوہری مسائل کے حل کے لیے آئی اے ای اے سے اتفاق ہوا ہے۔ انہوں نے مزید کہا کہ آئی اے ای اے کے ساتھ جون کے آخر تک روڈ میپ طے ہوچکا ہے، جس میں جوہری پروگرام سے متعلق سوالات کی دستاویزات دینے پر اتفاق کیا ہے۔ خبر ایجنسی کےمطابق عالمی جوہری توانائی ایجنسی کے سربراہ رفائیل گروسی ایرانی جوہری پروگرام پر بات چیت کے لیے گذشتہ رات ایران پہنچے تھے۔
