Raza Musani 
نیویارک : ایران نے عالمی برادری پر زور دیا ہے کہ صیہونی حکومت کو جوہری عدم پھیلاؤ کے معاہدے این پی ٹی میں شامل کرنے کیلئے دباؤ ڈالے۔ اقوام متحدہ میں ایران کی نائب سفیر زہرہ ارشادی نے تخفیف اسلحہ کمیشن کے سالانہ اجلاس سے خطاب میں بتایا کہ کس طرح جوہری ہتھیار انسانیت کے لیے واضح خطرہ ہیں۔ عدم تحفظ کے اس عالمی سبب کیلئے بین الاقوامی برادری کو ساتھ ہونا چاہیے، اس کے بجائے، ہم سیاسی اور فوجی کشیدگی میں مسلسل اضافہ دیکھ رہے ہیں۔ جس میں غیر جوہری ممالک کے خلاف جوہری ہتھیاروں کے استعمال کا مسلسل خطرہ بھی شامل ہے۔ انہوں نے کہا کہ مشرق وسطیٰ کو جوہری ہتھیاروں سے پاک کرنے کے عظیم مقصد کی راہ میں صیہونی حکومت ایک واضح رکاوٹ ہے اس کے پاس ہر قسم کی مہلک ہتھیار موجود ہیں اور وہ اسے علاقائی ممالک کے خلاف استعمال کرنے کی دھمکی بھی دیتا ہے۔
