Raza Musani 
اسلام آباد: وزیر داخلہ رانا ثنا اللہ نے ملک کی سب سے بڑی جماعت پاکستان تحریک انصاف پر پابندی لگانے کی دھمکی دیدی۔ وزیر داخلہ رانا ثناء اللّٰہ نے کہا ہے کہ ملک میں صرف 40 سے 45 ہزار لوگ عمران خان کےلیے احتجاج کےلیے باہر آئے۔ اگر فتنے کو ریلیف نہ ملتا تو یہ بوتل میں بند ہوچکا ہوتا۔ رانا ثنا اللہ نے کہا کہ عمران خان نے جتھہ گردی نہ روکی تو مجبور ہو کر پابندی لگا دیں گے۔اس جماعت پر پابندی لگانے کے علاوہ دوسرا کوئی حل نہیں بنتا۔ اسلام آباد میں پریس کانفرنس کرتے ہوئے رانا ثناء اللّٰہ نے کہا کہ اسے عوامی ردِعمل نہیں کہا جاسکتا، یہ وہ ٹرینڈ دہشتگرد ہیں جسے عمران خان نے ٹرینڈ کیا۔
