امریکا اور ایران کے درمیان آبنائے ہرمز میں شدید جھڑپیں

تہران : امریکا اور ایران کے درمیان آبنائے ہرمز میں جھڑپیں ہوئی ہیں۔ امریکا نے ایرانی جزیرے اور بندرگاہ پر حملے کئے جبکہ ایران امریکی بحری جہازوں کو نشانہ بنایا۔ ترجمان خاتم الانبیا ہیڈکوارٹرز نے بتایا کہ امریکا نے خمیر ، سرک اور قشم جزیرے کے ساحلوں پر خطے کے کچھ ممالک کے تعاون سے فضائی حملے کیے۔ امریکا نے دو بحری جہازوں اور ایک آئل ٹینکر کو نشانہ بنایا۔ ایران نے امریکی حملوں کے بعد فوری جوابی کارروائی کی۔ جس پر امریکا کے تین حملہ آور جہاز فوری طور پر آبنائے ہرمز سے فرار ہو گئے۔ امریکی سینٹ کام نے کہاہےکہ اس کی فورسز نے ایرانی حملوں کو ناکام بنایا اور حملے کی ذمہ دار ایرانی فوجی تنصیبات کو نشانہ بنایا.