بھارتی وزیر کی 3 لاکھ سے زائد مساجد گرانے کی دھمکی

شملہ : بھارتی وزیر گری راج نے ملک میں تین لاکھ سے زائد مساجد کو غیر قانونی قرار دیتے ہوئے انہیں گرانے کی دھمکی دیدی۔ وزیر ٹیکسٹائل گری راج نے شملہ میں سنجولی کے علاقے میں مسجد کیخلاف احتجاج کی حمایت کی اور اس سلسلے کو پورے ملک میں پھیلانے کی حوصلہ افزائی کی۔ انہوں نے کہا کہ شملہ ماڈل یہ ظاہر کرتا ہے کہ جب ہندو متحد رہتے ہیں تو کوئی بھی ان کی زمین نہیں چھین سکتا۔انہوں نے دیگر کمیونیٹیز پر بھی زور دیا کہ وہ اس ماڈل کو اپنائیں، انہوں نے الزام لگایا کہ ہندوستان میں تین لاکھ غیر قانونی مساجد ہیں اور یہ دعویٰ کیا کہ یہ مساجد دہشت گردوں کی افزائش گاہ بن سکتی ہیں۔ انھیں گرانا پڑا تو دریغ نہیں کریں گے۔