راجن پور کے ضمنی انتخاب میں حکومت کو بدترین شکست، پی ٹی آئی نے میدان مارلیا

راجن پور : پی ڈی ایم حکومت تمام حربے استعمال کرنے کے باوجود قومی اسمبلی کی ایک نشست نہ جیت سکی۔ عوام نے حکومت اور اس کی اتحادی پیپلزپارٹی کو بری طرح مسترد کردیا۔ قومی اسمبلی کے حلقہ این اے 193 کے ضمنی انتخابات میں پاکستان تحریک انصاف کے امیدوار نے میدان مار لیا۔ ن لیگ کا امیدوار کو 34 ہزار سے زائد ووٹوں سے شکست کامنہ دیکھنا پڑا۔ غیر حتمی غیر سرکاری نتائج کے مطابق تحریک انصاف کے محسن لغاری 90392 ووٹ لے کر پہلے جبکہ ن لیگ عمار احمد خان لغاری 55218 کے ساتھ دوسرے اور پاکستان پیپلز پارٹی اختر حسن گورچانی 20074 ووٹ کے ساتھ تیسرے نمبر پر رہے۔ آر ٹی ایس پر موصول ہونے والے نتائج کے مطابق ووٹنگ ٹرن آؤٹ 41 فیصد رہا۔ راجن پور سے قومی اسمبلی کی نشست این اے 194 تحریک انصاف کے ایم این اے سردار جعفر لغاری کے انتقال پر خالی ہوئی تھی۔