Raza Musani 
ریاض : سعودی عرب نے اسرائیل مخالف سوشل میڈیا پوسٹس کرنے والوں کے خلاف کریک ڈاؤن شروع کردیا ہے۔بلوم برگ کی رپورٹ کے مطابق سینکڑوں شہریوں کو گرفتار کیا جاچکا ہے۔ امریکی اخبار کے مطابق سعودی ولی عہد محمد بن سلمان کے احکامات پر اہم افراد کی گرفتاریاں عمل میں لائی گئی ہیں۔ جن میں ایک انتہائی اہم افسر بھی شامل ہیں سعودی عرب کی انسانی حقوق کی جماعتوں نے اسرائیل مخالف پوسٹوں پر گرفتاریوں پر تحفظات کا اظہار کیا ہے۔ اخبار کے مطابق گرفتاریوں پر سعودی وزارت خارجہ نے کوئی بھی مؤقف نہیں دیا ہے۔ گرفتاریوں میں حالیہ تیزی امریکی وزیرخارجہ انٹونی بلنکن کے اس بیان کے بعد دیکھی گئی ہے جس میں دعویٰ کیا گیا تھا کہ سعودی عرب اور اسرائیل میں تعلقات کی بحالی کیلئے مذاکرات اب بھی جاری ہیں اور امریکی کوششوں سے مذاکرات میں پیش رفت ہوئی ہے۔
