Raza Musani 
جے پور: ہندوستان کے صوبے ہریانہ میں ہندوتوا بجرنگ دل کے کارکنوں نے دو مسلم نوجوانوں کو اغوا اور تشدد کے بعد زندہ جلادیا۔ ہریانہ کے بھیوانی ضلع میں جنگل سے جلی ہوئی گاڑی سے دو سوختہ لاشیں ملیں۔ جنکی کی شناخت راجستھان کے بھرت پور کے گوپال گڑھ گاؤں کے رہائشی جنید اور نثار کے نام سے ہوئی۔ دونوں نوجوان کسی کام سے بھیوانی گئے تھے جہاں ہندوتوا بجرنگ دل کے 8 سے دس کارکنوں نے انہیں اغوا کیا۔ بری طرح تشدد کا نشانہ بنایا۔ عینی شاہدین کے مطابق ہندوتوا عناصر دونوں زخمیوں کو گاڑی میں ڈال کر جنگل میں لے گئے اور گاڑی سمیت جلادیا۔ اہل خانہ نے بجرنگ دل کے لیڈر مونو مانیسر کو واقعہ کاذمہ دار قرار دیا ہے اور اس سمیت پانچ نامزد افراد کیخلاف مقدمہ درج کرادیا گیا ہے۔ پولیس کا کہنا ہے کہ نوجوانوں کو مبینہ طور پر گائے کی اسمگلنگ کے الزام میں قتل کیا گیا ہے۔بھرت پور پولیس نے ایک ملزم کو گرفتار کرلیا ہے۔ جبکہ کئی ملزمان کو حراست میں لیکر پوچھ گچھ کی جارہی ہی ۔ پولیس نامزد ملزمان کو تلاش کررہی ہے جو روپوش ہوگئے ہیں۔ واقعہ کیخلاف راجستھان کے بھرت پور میں کمیونٹی پنچایت منعقد کی گئی جہاں لواحقین نے 51 لاکھ روپے فی کس معاوضہ اور گھر کے کسی فرد کو سرکاری نوکری دینے کا مطالبہ کیا اور کہاکہ جب تک مطالبات پورے نہیں ہوں گے میتوں کی تدفین نہیں کی جائے گی۔
