Raza Musani 
پیرس : فرانس میں سال نو پر گاڑیاں جلانے کی روایت اس سال بھی برقرار رہی اور مضافاتی علاقوں میں جشن کی تقریبات کے دوران 874 گاڑیوں کو آگ لگادی گئی۔ فرانسیسی وزارت داخلہ کا کہنا ہےکہ گاڑیاں جلانے کی یہ تعداد 2019 کے مقابلے میں کہیں کم ہے۔ 2019 میں 1316 گاڑیاں جلائی گئی تھیں۔ بڑی تعداد میں لوگوں کو گاڑیاں جلانے سے روکا گیا اور انہیں حراست میں بھی لیا گیا ہے۔ سال نو کے موقع پر 95 ہزار کے قریب پولیس اہلکار اور 32 ہزار فائر فائٹر تعینات کیےگئے تھے۔ فرانس کے مضافات میں 2005 کے فسادات کے بعد سے سال نو کے موقع پرگاڑیاں جلانا اور ہنگامہ آرائی روایت بن چکی ہے۔ کہا جاتا ہے کہ زیادہ تر گاڑیاں جرائم پیشہ افراد اپنے جرائم چھپانے کیلئے جلاتے ہیں۔ جبکہ دوسری بڑی وجہ گاڑیاں جلا کران کا جھوٹا انشورنس کلیم حاصل کرنا ہے۔
