بلوچستان ہائیکورٹ نے عمران خان کے وارنٹ گرفتاری 2 ہفتے کے لیے معطل کردیے

لاہور: پاکستان کے سابق وزیراعظم عمران خان کی کوئٹہ میں درج مقدمے میں گرفتاری دو ہفتے کیلئے ٹل گئی۔ چئیرمین پی ٹی آئی عمران خان نے کوئٹہ میں درج مقدمے کیخلاف بلوچستان ہائی کورٹ سے رجوع کیا تھا۔ درخواست میں موقف اختیار کیا گیا کہ عمران خان کے خلاف مقدمہ غیرقانونی طور پر درج کیا گیا ہے اسے خارج کیا جائے۔ عدالت نے فریقین کو نوٹس جاری کرتے ہوئے عمران خان کے وارنٹ گرفتاری 2 ہفتے کے لیے معطل کردئیے۔ وکلاء کو وکالت نامہ اگلی سماعت میں پیش کرنے کی ہدایت کی۔ آئینی درخواست پر سماعت 2 ہفتے بعد کی جائے گی۔