Raza Musani 
لاہور : سابق وزیراعظم عمران خان نے اپنے گھر پر حملے، قاتلانہ حملے کی سازش، گرفتاریوں اور مقدمات کیخلاف اقوام متحدہ اور عالمی اداروں کے پاس جانے کا اعلان کردیا۔ عوام سے خطاب میں عمران خان نے یہ بھی کہا کہ جو ملک میں حالات ہو رہے ہیں، پوری زندگی ایسے حالات نہیں دیکھے، جوڈیشل کمپلیکس میں نامعلوم افراد موجود تھے، وہاں ہمارے وکلاء پر ڈنڈے برسائے گئے۔ انہوں نے کہا کہ تقریباً 100 کیسز میرے خلاف ہوچکے ہیں، جب باہر نکلتا ہوں، میری جان کو خطرہ ہوتا ہے۔ مجھے موت کا کوئی خوف نہیں ہے۔ سازشوں سے گھبرا کر اپنا سامان اٹھاکر ملک سے نہیں بھاگوں گا۔ چیف جسٹس کوکہتاہوں جوڈیشل کمپلیکس میں جو ہوا وہ مارنےکی سازش تھی۔ میں درخواست کرتا ہوں مجھے ویڈیولنک کےذریعے لیں۔عمران خان نے کہاکہ یہاں جمہوریت کا قتل ہورہاہے۔ تحریک انصاف کا کارکن ملک میں انتشار نہیں الیکشن چاہتاہے۔ عالمی انسانی حقوق کی تنظیموں سے رابطہ کریں گے۔
