عمران خان نے امریکا کی متکبرانہ روش کو خاک میں ملایا تو واشنگٹن نے ان کا تختہ الٹ دیا، سید حسن نصر اللہ

بیروت : حزب اللہ کے سربراہ سید حسن نصراللہ نے پاکستان میں عمران خان حکومت کے خاتمہ کو امریکی فتنے کی سازش قرار دیا ہے. لبنان اور خطے کی صورتحال پر اپنے خطاب میں قائد مقاومت نے کہا کہ
پاکستان میں امریکی فتنے کی سازش نے اپنا کام انجام دے دیا ہے۔ جب عمران خان نے اپنے ملک کے مفادات کو اپنی ترجیح قرار دیا اور امریکا کو مایوس کیا۔ اور اسکی متکبرانہ روش کو خاک میں ملایا تو واشنگٹن نے عمران خان کی حکومت کا تختہ الٹ دیا۔ اور اپنی مرضی کا شخص اسکی جگہ مسلط کردیا جو افغانستان اور یو کرائن میں امریکی ناکامی کے بعد امریکی منصوبوں پر عمل کرے. اُنہوں نے اسرائیل کے خلاف فلسطینیوں کی بہادری کی قدردانی کرتے ہوئے کہا کہ استقامتی تحریک کامیابی کے حصول تک فلسطینی عوام کے شانہ بہ شانہ کھڑی رہے گی۔جوکچھ فلسطین میں ہو رہا ہے اس کا اسرائیل کے مستقبل پر اثر پڑے گا۔