آزادی لانگ مارچ، عمران خان قاتلانہ حملہ میں زخمی

گوجرانوالہ : پنجاب کے شہر گوجرانوالہ میں قاتلانہ حملے میں پی ٹی آئی چیئرمین عمران خان زخمی ہوگئے۔ پی ٹی آئی کا حقیقی آزادی مارچ گوجرانوالہ میں اللہ والا چوک پہنچا تو مسلح شخص نے فائرنگ شروع کردی۔ گولیاں لگنے سے عمران خان، سینیٹر فیصل جاوید اور دو مقامی رہنما زخمی ہوگئے۔ جبکہ فائرنگ سے ایک شخص جاں بحق اور چار شہری زخمی ہوئے فائرنگ سے خوف و ہراس پھیل گیا اور بھگدڑ مچ گئی۔ موقع پر موجود سیکیورٹی اہلکاروں نے حملہ آور کو فوری طور پر حراست میں لے لیا۔ عمران خان کی ٹانگ میں گولی لگی۔ تاہم وہ مکمل محفوظ ہیں۔ کنٹینر سے گاڑی میں ہسپتال جاتے وقت عمران خان نے بڑی ہمت و بہادری کا مظاہرہ کرتے ہوئے مسکرا کر اور ہاتھ ہلاتے ہوئے لوگوں کے نعروں کا جواب دیا۔
آئی جی پنجاب نے آر پی او گجرات سے واقعہ کی رپورٹ طلب کرلی۔ وزیراعلی پنجاب پرویز الہی نے کہا ہے کہ فائرنگ میں ملوث ملزمان کو جلد قانون کی گرفت میں لایا جائے گا۔زخمی افراد کو علاج معالجے کی بہترین سہولتیں فراہم کی جائیں۔