جنگ چھڑی تو اسرائیل پر یومیہ 3 ہزار میزائل برسیں گے، سابق صیہونی جنرل نے خبردار کردیا

مقبوضہ بیت المقدس : ریٹائرڈ صیہونی جنرل یٹزہاک برک نے خبردار کیا ہے کہ صیہونی فوج مستقبل میں کسی جنگ کے لیے تیار نہیں۔ اگر جنگ چھڑ گئی تو اسرائیل کو یومیہ تین ہزار میزائل داغے جائیں گے۔اسرائیل کوخوفناک صورتحال کا سامنا ہے ۔ شام، یمن اورعراق میں ایران کے حامی گروپوں کے ساتھ ساتھ غزہ سے حماس اور دوسرے گروپ اسرائیل پر میزائل اور ڈرون داغیں گے جنکی یومیہ تعدادتین ہزار تک پہنچ جائے گی۔ برک نے متعدد مواقع پر خبردار کیا ہے کہ اسرائیلی حکومت کی فوج کثیر محاذ جنگ کے لیے تیار نہیں ہے۔گذشتہ ماہ بھی انہوں نےاسرائیلی فوج کی گہری کمزوری اورحکومت کے زوال کے بارے میں اظہار کیا، انہوں نے کہا کہ یہ کافی حد تک درست اور ایسے ناقابل تردید حقائق ہیں جن کو نظر انداز نہیں کیا جا سکتا۔ ایک نئی جنگ ہمیں کئی سال پہلے کی طرف لے جائے گی۔ پچھلی جنگوں میں جن مشکلات سے ہم گزرے ہیں وہ مستقبل کے تصادم کے نتائج کے مقابلے میں کچھ بھی نہیں ہوں گے۔