لبنان میں مکمل جنگ ہوئی تو ایران لاتعلق نہیں رہ سکتا، ایرانی وزیرخارجہ

نیویارک : ایرانی وزیر خارجہ عباس عراقچی نے سلامتی کونسل کے اجلاس میں خطاب میں کہا کہ خطہ بڑے پیمانے پر جنگ کے دہانے پر ہے۔ لبنان میں مکمل جنگ ہوئی تو ایران لاتعلق نہیں رہ سکتا۔ انہوں نے کہاکہ اسرائیل تمام ریڈ لائنیں کراس کرچکا ہے۔ سلامتی کونسل کو امن اور سلامتی کو بحال کرنے کے لیے مداخلت کرنا ہوگی۔ انہوں نے کہا کہ اسرائیلی قیادت کو سمجھنا چاہیے کہ ان کے جرائم کی سزا ملنی ہے، لبنان میں مکمل جنگ ہوئی تو ایران لاتعلق نہیں رہ سکتا۔ ایرانی وزیر خارجہ نے کہنا ہے کہ لبنان میں اسرائیلی مظالم اور قبضے کے خلاف دفاع کے لیے ایران حزب اللّٰہ کی حمایت کرتا ہے۔