Raza Musani 
لندن: برطانیہ کے ادارے ای وائی نے خبردار کیا ہے کہ اگر آبنائے ہرمز آئندہ سال کے وسط تک بحری جہازوں کے لیے نہ کھلی تو ملکی معیشت کساد بازاری کا شکار ہوجائے گی۔ ای وائی نے پیش گوئی کی ہے کہ اگر آبنائے ہرمز ستمبر کے آخر تک کھل جاتی ہے تو برطانیہ کی معاشی شرح نمو رواں سال صفر اعشاریہ آٹھ فیصد رہنے کا امکان ہے۔ اگر آبنائے ہرمز بند رہی تو رواں سال شرح نمو کم ہو کر صفر اعشاریہ پانچ فیصد رہ جائے گی۔ اور دو ہزار ستائیس میں برطانوی معیشت صفر اعشاریہ دو فیصد فیصد سکڑنے کا خدشہ ظاہر کیا گیا ہے۔ رپورٹ کے مطابق طویل بندش سے توانائی کی قیمتوں میں اضافے کے باعث مہنگائی رواں سال کے آخر تک چھ اعشاریہ چار فیصد تک پہنچ سکتی ہے۔ ای وائی کا کہنا ہے کہ اگر بحری راستہ جلد بحال ہو جائے تو مہنگائی کی بلند ترین سطح تقریباً ساڑھے تین فیصد رہنے کی توقع ہے۔ ادارے نے پیش گوئی کی ہے کہ بینک آف انگلینڈ رواں سال شرح سود برقرار رکھے گا۔
