Raza Musani 
اسلام آباد : پاکستان تحریک انصاف کے سربراہ عمران خان نے کہا کہ پس پردہ مذاکرات کامیاب نہیں ہوئے۔ مجھے پورا یقین ہے یہ الیکشن نہیں کروائیں گے۔ جمعے کو لانگ مارچ کی تاریخ کا اعلان کروں گا اور اس بار ہم بھرپور تیاری کے ساتھ نکلیں گے، عوام کا سمندر جب اسلام آباد پہنچے گا تو انہیں خود ہی معلوم ہوجائے گا۔ اگر یہ احتجاج کا راستہ روکیں گے، انتشار اور ملک بند ہو جائے گا۔ انہوں نے کہاکہ یہ مارچ باقی مارچ سے مختلف ہوگا۔ ہمیں پورا تجربہ ہے لیکن اس بار مختلف چیز ہے کہ قوم اس مارچ کے لیے بے تاب ہے، میں اپنی منصوبہ بندی سے چل رہا ہوں لیکن قوم بے تاب ہے کہ کب نکلیں گے۔ ہمارا مارچ پرتشدد نہیں ہوگا بلکہ لوگ لطف اندوز ہوں گے اور ہر طبقے کے شہری شامل ہوں گے کیونکہ یہ احتجاج ہوگا۔
