Raza Musani 
غزہ : بھوک کے شکار فلسطینیوں نے اقوام متحدہ کے خوراک کے درجنوں ٹرکوں کو روک کر خالی کر دیا۔ اقوام متحدہ کے عالمی غذائی پروگرام (ڈبلیو ایف پی) نے کہا ہے کہ غزہ میں بھوک کے شکار لوگوں نے آٹے سمیت امدادی سامان کے 77 ٹرکوں کو راستے میں روکا اور سامان لے کر چلے گئے۔ ڈبلیو ایف پی نےکہا ہے کہ غزہ میں خوراک کی امداد کے باوجود فاقہ کشی کا خدشہ زیادہ ہے۔ لوگوں کی پریشانی کم کرنے اور اعتماد بحال کرنے کےلیے چند دنوں کےلیے زیادہ سے زیادہ خوراک پہنچانے کی ضرورت ہے۔خان یونس میں ایک عینی شاہد نے بتایا کہ اقوام متحدہ کے قافلے کو ایک عارضی ناکے پر روکا گیا اور ہزاروں کی تعداد میں مایوس شہریوں نے اسے خالی کر دیا۔ ڈبلیو ایف پی نے کہا کہ اسرائیلی حکام نے انہیں رفح اور خان یونس کے مشرقی علاقوں میں غیرمحفوظ راستے استعمال کرنے پر مجبور کیا ہے، جہاں مسلح گروہ سرگرم ہیں اور ٹرکوں کو روکا گیا ہے۔
