نیتن یاہو کے خلاف امریکی کانگریس کے باہر سینکڑوں افراد کا احتجاج

واشنگٹن : صیہونی وزیراعظم بنیامین نیتن یاہو کے خطاب کے موقع کانگریس کی عمارت کے باہر سینکڑوں افراد نے احتجاج کیا۔ مظاہرین نے علامتی لاشوں سے غزہ کا منظر پیش کیا اور جنگ بندی کیلئے نعرے لگائے۔ مظاہرین نے امریکی پرچم کو بھی آگ لگادی۔ پولیس نے طاقت کا استعمال کرکے کئی مظاہرین کو حراست میں لے لیا۔ نیتن یاہو نے خطاب شروع کیا تو مسلم رکن رشیدہ طلیب نے جنگی مجرم کا پلے کارڈ لہرادیا۔ جبکہ پچاس سے زیادہ ڈیموکریٹس ارکان نے بائیکاٹ کیا۔ نیتن یاہو نے اپنے خطاب میں غزہ جنگ کا دفاع کیا اور اسے جاری رکھنے کااعلان کیا۔ سابق اسپیکر نینسی پلوسی نے نیتن یاہو کے خطاب کو کانگریس کا بدترین خطاب قرار دیا۔ سینیٹر برنی سینڈرز نے کہا کہ نیتن یاہو ایک جنگی مجرم اور جھوٹا ہے۔