خان یونس میں انسانیت سوزی، 60 سے زائد فلسطینی شہید

غزہ : صیہونی فوج نے خان یونس میں انسانیت سوزی کی انتہا کردی۔پناہ گزین کیمپ۔ اسپتالوں پر وحشیانہ حملے کئے۔
غزہ کے علاقے خان یونس میں میزائل اور ڈرون حملوں میں پرہجوم مقامات کو نشانہ بنایا۔ گولہ باری سے پناہ گزین کیمپ میں آگ لگ گئی۔ نو افراد جھلس کر شہید اور کئی زخمی ہوگئے۔ کیمپ میں 800 افراد نے پناہ لے رکھی تھی۔ المواسی میں آکسفیم کے گوداموں کو نشانہ بنایا گیا جس میں چار فلسطینی شہید ہوئے۔ خان یونس میں جاری میزائل اور ڈرون حملوں میں ساٹھ سے زائد فلسطینی شہید اور درجنوں زخمی ہوگئے۔ جبالیہ میں زمل خاندان کے گھر پر اسرائیلی بمباری سے 14 افراد شہید ہوئے۔ محکمہ صحت کے مطابق غزہ میں چوبیس گھنٹوں میں دوسو دس شہید اور چار سو کے قریب زخمی ہوئے۔ جبکہ 48 گھنٹوں میں تیس سے زائد اسرائیلی فوجی خان یونس میں مارے جاچکے ہیں۔