Raza Musani 
نیویارک : امریکا میں گن کلچر نے پورے معاشرے کو جکڑ لیا ہے۔ چھوٹے بچے بھی اس سے محفوظ نہیں رہے۔ ریاست ورجینیا کے شہر نیوپورٹ کے ایلیمنٹری اسکول میں 6 سالہ طالب علم کی ٹیچر پر فائرنگ نے خوفناک صورتحال کی نشاندہی کردی ہے۔ فائرنگ سے 30 سالہ ٹیچر شدید زخمی ہوئی جسکی حالت تشویشناک بتائی جاتی ہے۔ واقعے میں کوئی اور شخص یا طالب علم زخمی نہیں ہوا۔پولیس کے مطابق گولی چلنے کاواقعہ اتفاقی نہیں بلکہ بچے نے ٹیچر سے جھگڑے کے دوران گولی چلائی۔ فائرنگ کرنے والے بچے کو پولیس نے حراست میں لے لیا ہے۔
