Raza Musani 
کیلیفورنیا: کیلیفورنیا اسٹیٹ اسمبلی میں پاک امریکا تعلقات اور پاکستانی نژاد امریکی کمیونٹی کی خدمات کو خراج تحسین کی تاریخی قرارداد منظور کر لی گئی۔
قرارداد سینیٹر میلیسا ہرتاڈو کی جانب سے پیش کی گئی، قرارداد میں کیلیفورنیا کی ترقی میں پاکستانی نژاد امریکی کمیونٹی کے کردار کو اجاگر کرتے ہوئے مختلف شعبوں میں ان کی نمایاں کامیابیوں کو سراہا گیا۔
کیلیفورنیا اسٹیٹ اسمبلی نے پاکستان اور ریاست کیلیفورنیا کے درمیان تعلقات کے فروغ کے عزم کا اظہار کیا، پاک امریکا اقتصادی تعاون کے فروغ میں پاکستانی نژاد امریکی کاروباری شخصیات اور سرمایہ کاروں کے کردار اور پاک امریکا دوطرفہ تعلقات کے فروغ کیلئے سفیر پاکستان رضوان سعید شیخ کی خدمات کو سراہا۔
امریکا میں پاکستان کے سفیر رضوان سعید شیخ نے قرارداد کی متفقہ منظوری پر سینیٹر میلیسا ہرتاڈو سے اظہار تشکر کیا۔
