ہندوتوا کا ہندوستان، اسلامو فوبیا کا بدترین مظہر ہے، بلاول

نیویارک : پاکستانی وزیر خارجہ بلاول بھٹو نے کہا کہ اسلامو فوبیا کا ایک بدترین مظہر ہندوتوا سے متاثر ہندوستان ہے۔بلاول بھٹو نے کہا کہ مودی حکومت ہندوستان کی اسلامی میراث ختم کرکے اسے ایک خصوصی ہندو ریاست میں تبدیل کرنا چاہتی ہے۔ وہ اسلامی ورثہ کو مٹانے اور ہندوستان کو ہندو ملک بنانے کے سو سال پرانے منصوبہ پر عمل کررہی ہے۔ پاکستانی وزیر خارجہ نے کہا کہ بڑی پریشانی کی بات یہ ہے کہ یورپ کے سیاسی حلقوں میں اسلاموفوبیا کی گونج مسلسل سنائی دے رہی ہے۔مسلمانوں کے خلاف نفرت پر مبنی جرائم میں اضافہ ہوا ہے۔ او آئی سی کو یورپ اور دنیا کے دیگر حصوں میں امتیازی سلوک اور نفرت انگیز جرائم کے ایسے تمام واقعات کی نگرانی کے لئے او آئی سی جائزہ کو مزید مضبوط کرنے کی ضرورت ہے۔