Raza Musani 
ڈھاکا : بنگلا دیش میں مقیم سینکڑوں ہندوؤں نے ہندوستانی سرحد کے ذریعے ہندوستان نقل مکانی کی کوشش کی ہے۔ سیکیورٹی اہلکاروں کا کہنا ہے کہ یہ واقع طلبا قیادت کے زیر اہتمام اس وقت کی وزیر اعظم شیخ حسینہ کا تختہ الٹنے کے کئی روز بعد پیش آیا ہے۔ شیخ حسینہ واجد کی بے دخلی کے بعد ہندوؤں کے گروپ کے کچھ ملکیتی کاروباروں اور گھروں پر حملہ کیا گیا تھا۔ ہندوستان کی بارڈر سیکیورٹی فورس کے ڈپٹی انسپکٹر جنرل امیت کمار تیاگی نے بتایا کہ سینکڑوں بنگلہ دیشی شہری، جن میں زیادہ تر ہندو شامل ہیں، بنگلہ دیش کے ساتھ متصل سرحد کے مختلف مقامات پر جمع ہوگئے ہیں۔ ان کا مزید کہنا تھا کہ 200 سے زیادہ لوگوں کو ریاست مغربی بنگال میں بھارت کی سرحد کے قریب کھڑا دیکھا گیا ہے۔ ان کا مزید کہنا تھا کہ چونکہ یہاں کوئی باڑ نہیں ہے، اس لیے بی ایس ایف کے اہلکاروں نے انہیں دور رکھنے کے لیے ایک انسانی ڈھال بنائی ہے۔ انہوں نے مزید کہا کہ افسران نے ہجوم کو منتشر کرنے کے لیے ہوائی فائرنگ بھی کی ہے ۔
