بھارت میں ہندو انتہا پسند قابو سے باہر، مساجد اور مسلم آبادیوں پر حملے

نئی دہلی : بھارت میں رام مندر کے افتتاح کے موقع پر ہندو انتہا پسند قابو سے باہر ہوگئے۔ مہاراشٹرا۔ گجرات۔ مدھیہ پردیش۔ تلنگانہ اور بہار سمیت کئی ریاستوں میں مساجد اور مسلم آبادیوں پر حملے۔ دکانیں اور قبرستان کو آگ لگادی۔ انتہاپسند جے شری رام کے نعرے لگاتے گشت کرتے رہے۔ ہندو مذہبی نعرے نہ لگانے پر مسلمانوں پر تشدد. چرچ پر بھی زعفرانی جھنڈا لہرادیا.
ریاست تلنگانہ کے ضلع سنگا ریڈی میں ہندوتوا انتہاپسندوں نے مسلم آبادی پر دھاوا بول دیا. مسجد کے سامنے اشتعال انگیز نعرے لگائے اور مسلمان کی دکان جلادی۔
ممبئی کے علاقے اندھیری میں ہندوانتہا پسندوں نے رات میں ریلی نکالی۔ شرکا مسلم علاقے میں گھس گئے اور مسجد پر پتھراؤ کیا۔ ممبئی میں میرا روڈ پر ہندو انتہا پسندوں نے کھلے عام فائرنگ کی اور مسلمانوں کی دکانوں میں توڑ پھوڑ کی۔ جے شری رام کے نعرے نہ لگانے پر ممبئی میں مسلم نوجوان پر تشدد کیا گیا۔
کرناٹک کے علاقے شیوموگا میں مسلم خاتون نے شرپسندوں کو اللہ اکبر کے نعروں سے بھرپور جواب دیا۔ ریاست بہار کے علاقے دُر بھنگا میں ہندوتو انتہا پسندوں نے قبرستان کو آگ لگادی۔ مدھیا پردیش میں شرپسندوں نے چرچ پر زعفرانی جھنڈا لہرا دیا۔