حزب اللہ لبنان اور اس کے عوام کے دفاع کے لیے اپنی مزاحمت جاری رکھے گی، شیخ نعیم قاسم

بیروت :حزب اللہ کے رہنما شیخ نعیم قاسم نے لبنان اور اسرائیل کے درمیان مجوزہ براہِ راست مذاکرات کو مسترد کرتے ہوئے اسے سنگین گناہ قرار دیا ہے۔ نعیم قاسم نے اپنے بیان میں کہا کہ وہ اسرائیل کے ساتھ کسی بھی براہِ راست مذاکرات کو مکمل طور پر مسترد کرتے ہیں۔ ایسے اقدامات لبنان کو عدم استحکام کی طرف دھکیل دیں گے۔ انہوں نے لبنانی حکام کو خبردار کیا کہ ایسے فیصلے نہ تو ملک کے مفاد میں ہیں اور نہ ہی حکمرانوں کے لیے فائدہ مند ہوں گے۔ انہوں نے کہا کہ حزب اللہ کے نزدیک یہ مذاکرات اور ان کے ممکنہ نتائج کوئی حیثیت نہیں رکھتے۔ شیخ نعیم قاسم نے واضح کیا کہ حزب اللہ لبنان اور اس کے عوام کے دفاع کے لیے اپنی مزاحمتی پالیسی جاری رکھے گی۔ انہوں نے کہا کہ دشمن کی دھمکیوں کے باوجود نہ جھکیں گے، نہ پیچھے ہٹیں گے اور نہ ہی شکست تسلیم کریں گے۔