Raza Musani 
بیروت : حزب اللّٰہ نے سربراہی کے لیے نامزد رہنما ہاشم صفی الدین کی شہادت کی تصدیق کر دی۔ ہاشم صفی الدین حزب اللّٰہ کے سابق سربراہ حسن نصر اللّٰہ کے کزن تھے۔ حزب اللہ نے ایک بیان میں ہاشم صفی الدین کو شاندار الفاظ میں خراج عقیدت پیش کیا ہے اور انہیں القدس کے راستے میں ایک عظیم رہنما اور قابل احترام شہید قرار دیا ہے۔ بیان میں اس بات پر زور دیا گیا کہ وہ قناعت اور صبر سے شہید ہوئے حزب اللہ نے لکھا کہ سید ہاشم صفی الدین کی موت حزب اللہ کے لیے ایک اہم نقصان ہے۔ وہ اپنے بھائی کو تسلی دینے والے بہترین بھائی تھے اور ان کا موازنہ امام حسین علیہ السلام کے بھائی ابو الفضل عباس علیہ السلام کی طرح ہے وہ بھی بھائی کے حامی، ان کے علمبردار، ان کے امانت دار، ان پر بھروسہ کرنے والے تھے۔ سید صفی الدین نے حزب اللہ، اسلامی مزاحمت اور اس کی کمیونٹی کی خدمت کے لیے اپنی زندگی وقف کی۔ کئی سالوں تک انہوں نے ذمہ داری اور مہارت کے ساتھ ایگزیکٹو کونسل کی قیادت کی۔ تنظیم کے اداروں اور مختلف شعبوں میں آپریشنل یونٹس کی نگرانی کی۔ بیان میں مزید کہا گیا کہ وہ زمین پر جنگجوؤں کے قریب رہے اور عوام سے خاص طور پر شہداء کے خاندانوں سے گہرا تعلق برقرار رکھا۔ ان کی لگن کو ان کی شہادت سے نوازا گیا۔ ہم اپنے عظیم شہید اور ان کے بھائیوں شہداء سے عہد کرتے ہیں کہ جب تک ان کی آزادی اور فتح کے مقاصد حاصل نہیں ہو جاتے مزاحمت اور جہاد کا راستہ جاری رکھیں گے۔
