Raza Musani 
بیروت : حزب اللہ نے شمالی اسرائیل پر پچاس سے زائد راکٹ اور میزائل فائر کیے ہیں۔ اسرائیلی فوج کے مطابق کچھ راکٹ آبادیوں میں گرے ہیں۔ جوابی حملے میں اسرائیل نے حزب اللہ کے دو کمانڈروں کو مارنے کا دعویٰ کیا ہے۔شمالی اسرائیل کے علاقوں سے جنگ کے خطرے کے پیش نظر اسرائیلیوں کا انخلا بھی تیز ہوگیا ہے۔
اسرائیلی میڈیا کے مطابق اب تک ایک لاکھ سے زائد اسرائیلی شمالی اسرائیل سے نقل مکانی کرچکے ہیں جبکہ اسرائیل کے سرحدی علاقوں سے بھی ہزاروں لبنانی باشندے نقل مکانی کرچکے ہیں۔ حزب اللہ کی جانب سے فوجی سربراہ فواد شکر کے قتل کا انتقام لینے کے اعلان اور اسرائیل کے جوابی حملے سے مکمل جنگ کے خطرات اب بڑھ گئے ہیں۔
