حزب اللہ کا اسرائیل پر پھر راکٹوں سے حملہ

بیروت : حزب اللہ نے مقبوضہ فلسطینی علاقوں پر تیس راکٹ فائر کیے ہیں۔ جنوبی لبنان کے حالات دن بدن کشیدہ ہوتے جارہے ہیں۔اسرائیلی حملوں اور حزب اللہ کے جوابی حملوں سے علاقہ گونج رہا ہے۔اسرائیل نے دعویٰ کیا ہے کہ اس نے جنوبی لبنان کے سرحدی علاقوں میں تمام لبنانی کمانڈروں کو ہلاک کردیا ہے۔ حزب اللہ نے دعوؤں کی تردید کرتے ہوئے کہا ہے کہ اس کا کمانڈ سسٹم جنوبی لبنان میں کارگر ہے۔ مقبوضہ فلسطینی علاقوں سے اسرائیلی قبضہ ختم کرانے کیلئے آپریشن مزید تیز کیا جارہا ہے۔حزب اللہ نے تیس سے زائد راکٹس اسرائیلی چیک پوسٹوں پر فائر کیے ہیں جس میں سے زیادہ تر کو اسرائیل نے گرانے کا دعویٰ کیا ہے۔