ایران، ترکیہ اور امارات کے سربراہان کا شہباز شریف کو فون، سیلاب سے نقصانات پر اظہارِ افسوس، مدد کی یقین دہانی

اسلام آباد: ترک صدر رجب طیب اردوان ، متحدہ عرب امارات کے صدر محمد بن زید النیہان اور ایران کے صدر ابراہیم رئیسی نے وزیراعظم شہباز شریف کو ٹیلیفون کیا ہے اور سیلاب سے نقصانات پر افسوس کا اظہار کیا ہے۔ صدر ابراہیم رئیسی نے پاکستان کے ساتھ یکجہتی کا اظہار کیا اور تمام شعبوں میں امداد میں ہر ممکن تعاون کا یقین دلایا۔ وزیر اعظم نے سیلاب کی صورتحال پر ایرانی صدر کی ہمدردی پر شکریہ ادا کیا۔وزیراعظم کو ترک صدر نے ٹیلی فون کیا۔ شہباز شریف نے پاکستان میں سیلاب کی تازہ ترین صورتحال اور ہنگامی بنیادوں پر امداد کی فراہمی کے لیے حکومتی کوششوں سے آگاہ کیا۔وزیر اعظم نے بتایا کہ ملک کے مختلف حصوں میں بڑے پیمانے پر تباہی مچی ہوئی ہے، جس کے نتیجے میں انسانی جانوں، ذریعہ معاش اور بنیادی ڈھانچے کو بڑے پیمانے پر نقصان پہنچا ہے۔ اُدھر متحدہ عرب امارات کے صدر نے بھی وزیراعظم شہباز شریف کو ٹیلیفون کیا اور مون سون کی غیر معمولی بارشوں اور سیلاب سے سے ملک گیر تباہی کے پر افسوس کا اظہار کیا۔