Raza Musani 
بغداد : عراق کے الفتح الائنس کے سربراہ ہادی العامری نے کہا ہے کہ حشدالشعبی ایک عسکری جہادی تنظیم ہے جو عراق کے اقتدار اعلیٰ کے لئے قابل اعتماد اور اطمینان بخش ضامن کی حیثیت سے باقی رہے گی۔انہوں نے کہا کہ ہم نے انتہائی خطرناک اور مہلک فرقہ پرستی کا خاتمہ کرکے عراقیوں کو متحد کیا۔ سیکیورٹی اداروں پر خاص توجہ دینا چاہئے اور غیروں پر بھروسہ کرنے سے پرہیز کرنا چاہئے۔ ہادی العامری نے مزید کہا کہ فرقہ پرستی، دہشتگردی سے بھی زیادہ خطرناک ہے ہمارے پاس ایسی عسکری طاقت اور افرادی قوت ہے جو علاقے میں دہشت گردی کے خلاف جنگ کے سلسلے میں بہترین ہے۔ عراق کے اقتدار اعلیٰ کا تحفظ صرف عراق کی دفاعی طاقت کے ذریعے ہی کیا جاسکتا ہے۔ العامری نے کہا کہ عراقی سیکیورٹی فورسز اس بات کا یقین حاصل کرنے کے لئے کہ داعش دہشتگرد گروہ اور اس کے مفرور عناصر دوبارہ سر نہیں اٹھائیں گے، بدستور دہشتگردوں کو تلاش اور ان کا صفایا کرتی رہیں گی۔
