Raza Musani 
لاہور: امامیہ اسٹوڈنٹس آرگنائزیشن پاکستان کے سابق مرکزی نائب صدر حسن عارف کو نیا میر کاررواں منتخب کر لیا گیا۔ 51 ویں کنونشن میں نئے میرکاررواں کا انتخاب خفیہ رائے شماری سے ہوا۔ نام کا انتخاب ہوا تو پنڈال مردہ باد امریکا و مردہ باد اسرائیل کے نعروں سے گونج اٹھا ۔علامہ غلام عباس رئیسی نے نئے میر کاررواں سے حلف لیا۔ جس کے بعد اپنے خطاب میں حسن عارف کا کہنا تھا کہ وہ تنظیم کی فلاح اور بہبود کیلئے بھرپور اقدامات کریں گے۔ جس عظیم کاز کیلئے ان کا انتخاب کیا گیا ہے وہ اس پر پورا اترنے کی بھرپور کوشش کریں گے۔ انہوں نے کہا کہ اس سال کو تعمیر وطن کے عنوان سے منائیں گے۔ حسن عارف کا تعلق خوشاب سے ہے اور وہ لاہور میں ایل ایل بی کے طالبعلم ہیں۔ وہ آئی ایس او پاکستان کے مرکزی سینئر نائب صدر اور لاہور ڈویژن کے صدر بھی رہ چکے ہیں۔ادھر خواہر طاہرہ ظفر کو شعبہ طالبات کا مرکزی صدر منتخب کیا گیا، جن کا تعلق ملتان سے ہے۔
