حکومت کا ایران اور روس سے تیل اور گیس درآمد کرنے سے انکار

اسلام آباد : حکومت نے ایران اور روس سے فوری طور پر تیل اور گیس درآمد کرنے سے انکار کردیا۔ قومی اسمبلی میں لیگی رکن کے جواب میں وزارت پیٹرولیم نے واضح کیا کہ ایران پرعالمی پابندیوں کی وجہ سے خام تیل یا گیس درآمد کرنے کی کوشش پاکستان کو نقصان پہنچا سکتی ہے۔پابندیاں ختم ہونے کے بعد ایران سے قدرتی گیس لینے کا ارادہ رکھتےہیں ایران سے پائپ لائن کے ذریعے گیس لینے کے وعدے پر قائم ہیں۔ روس یوکرائن جنگ کی وجہ سے روس سے تیل کی درآمد سے کچھ مسائل ہیں ۔ روس سے تیل کی درآمد کی کوشش کی گئی لیکن روسی تیل فی الوقت زیادہ بھاری ہونے کی وجہ سے پاکستانی رئفائنریز میں صاف ہونا بھی مشکل ہے۔ پاکستانی رئفائنریز میں ہلکا تیل صاف ہوسکتا ہے۔ اس وقت پاکستان نے ان ممالک سے تیل اور گیس درآمد کی تو پاکستان کے لئے سنگین مسائل پیدا ہوسکتے ہیں۔