امریکی حمایت اور اسلحہ سے غزہ میں نسل کشی جاری، خواتین وبچوں سمیت 88 فلسطینی شہید

غزہ: امریکا کی حمایت اور اسلحہ کی فراہمی کے باعث غزہ میں فلسطینیوں کی نسل کشی جاری ہے۔ صیہونی فوج کے غزہ میں چند گھنٹوں کے دوران دو وحشیانہ حملوں میں اٹھاسی فلسطینی شہید اور درجنوں زخمی ہوگئے۔ اسرائیلی جنگی طیاروں نے شمالی غزہ کے علاقے بیت لاہیہ میں کمال عدوان اسپتال کے قریب رہائشی عمارتوں پر بم برسائے۔ جس سے یہ عمارتیں ملبے کا ڈھیر بن گئیں۔ لوگوں نے اپنی مدد آپ کے تحت چھیاسٹھ لاشیں اور سو سے زائد زخمیوں کو اسپتال منتقل کیا جہاں پہلے ہی گنجائش ختم ہوچکی ہے۔ زخمیوں میں کئی کی حالت نازک ہے اور کئی افراد ملبے تلے دبے ہوئے ہیں۔ مرنے والوں میں بیشتر خواتین اور بچے ہیں۔ جنگی طیاروں نے کچھ ہی دیر بعد غزہ سٹی کے علاقے شیخ رضوان پر بھی حملہ کیا جس کے نتیجے میں دس بچوں سمیت بائیں افراد شہید ہوئے۔